„ЈАС СУМ МАКЕДОНЕЦ, МОЈАТА ЗЕМЈА СЕ ВИКА МАКЕДОНИЈА“: Владиката Петар раскажа за средбата во Цариградската патријаршија

Не’ тепате, но не ни давате ни да „плачеме“, им соопштил народски владиката Петар на челниците на Цариградската партијаршија на средбата на која како натрапници (падобранци) влетале Партениј и негов придружник  со антимакедонски позиции, откажувајќи се без проблем од се’ што е со македонски предзнак во нашата црква. Владиката им објаснил и во штое е нашето „плачење“? –„Моето плачење е да речам дека јас сум Македонец, мојата земја се вика Македонија, мојата црква се вика Македонска правосоалвна црква, мојата нација е македонска нација. Е, тоа е нашето „плачење“, им укажал митрополитит преспанско-пегониски на средбата, пренесувајќи ги случувањата во „За македонските работи“ со новинарот Љупчо Цветановски на ТВ Алфа.

-Јас им кажав дека овие двајцата се натрапници (Партениј и следбеникот), после им кажав дека меѓу другото вие теба да знаете дека ние сме понижувани, ние сме обесправувани, ние сме па и обесчестувани ако може да се рече поконкретно да речам, дури и тепани од вас, ама ние сето тоа сме го поднесувале од Вас и од другите цркви, кога сме биле понижувани и така натаму и никогаш не сме дозволиле како црква да се здружиме со непријателите ваши, односно со тие цркви кои така се однесувале кон Вас, туку сме биле доследни и сме барале канонски да дојде нашето признавање како автоќефална црква на што, после реков: Вие, да речеме и не’ тепате, и не е трагедијата во тоа што го поднесуваме и тепањето, ама не ни давате да плачеме! Дозволете ни, барем, да плачеме. А во што е нашето „плачење“? Моето плачење е да речам дека јас сум Македонец, мојата земја се вика Македонија, мојата црква се вика Македонска правослaвна црква, мојата нација е македонска нација. Е, тоа е нашето „плачење“, им укажал народски митрополитит преспанско-пегониски во Цариградската т.н. Севеселенска патријаршија.

-Немаа на тоа одговор, се најдоа во небрано и во тој момент не знаеја како да изреагираат, затоа што тоа е вистината и вистината не треба никого да го навредува, пренесе искрено владиката Петар во „За македонските работи“ со Цветановски.

Извор: Курир