ЈАВНИОТ МОРАЛ НЕ СЕ ПРЕГОВАРА: Коалицијата „ВЛЕН“ контра Касами – не поддржуваме кандидат на ДУИ во Кичево

Јавниот морал не се преговара, порача коалицијата „ВЛЕН“

Коалицијата „Влен“ јасно се дистанцира од кандидатот на ДУИ, Фатмир Дехари, за вториот круг во Кичево. Во официјално соопштение, тие ги демантираа шпекулациите дека нивното членство ќе го поддржи кандидатот на ДУИ, по барањето на тетовскиот градоначалник Билал Касами.

„Како коалиција побаравме Дехари да се повлече од изборната трка. Тој не го направи тоа, па секоја јавна поддршка е невозможна. Кичевци сами треба да ја донесат одлуката“, стои во нивното соопштение.

Скандалот на Дехари како причина за дистанцирање

Од „Влен“ посочуваат дека нивниот став се должи на „големата дамка“ на кандидатот, алудирајќи на тековниот секс скандал, и потенцираат дека никој нема „гласови во џеб“.

„Одговорноста е на лидерот на ДУИ, Али Ахмети, кој не го повлекол кандидатот. Јавниот морал не се преговара“, истакнуваат од коалицијата.

Поддршка за други кандидати и повик на обединување

Во меѓувреме, ВМРО-ДПМНЕ повика на обединување околу вредности, а не околу национални теми, додека коалициона поддршка веќе е најавена за Максим Димитриевски во Куманово и Орце Ѓорѓиевски во Скопје.