Министерството за внатрешни работи во периодот од 10.01.2022 до 16.01.2022 спроведе акциска контрола на територијата на Република Македонија за санкционирање на неисполнување на пропишаните услови во однос на затемнувањето на стаклата на возилата и неовластено вградување и користење уреди за давање посебни светлосни и звучни знаци во возилата.

При контролата се санкционирани осум учесници во сообраќајот, од кои седум за прекршокот на неисполнување на пропишаните услови во однос на затемнувањето на стаклата и една санкција за неовластено вградување и користење за уреди за давање на посебни светлосни и звучни знаци во возилата.

На сите прекршители, како што соопшти МВР, им се изготвени соодветни поднесоци.

-Засилените акциски контроли продолжуваат и во наредните денови. Сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, апелира МВР.