„’Тимот Кембриџ‘ е прилично сосредоточен на Америка и се грижи да има висок профил таму“, изјави извор за „Венти фер“. – „Можноста тие да остварат посета од висок профил е многу важна за следната година“.
Патувањето, речиси сигурно, ќе има и битни елементи што Кејт Мидлтон и принцот Вилијам треба да ги разгледаат, имено – влијанието на принцот Хари и Меган Маркл во Америка по нивното гостување кај Опра Винфри во март 2021 година.
Америка е многу важна публика за нив, додава неименуваниот извор.
Иако, наводно, има несогласувања меѓу принцевите Вилијам и Хари, и на двајцата браќа, се чини, им се битни филантропските потфати од двете страни на „Барата“ (Атлантскиот Океан).