Климовски ги истакнува законските одредби со кои се дава контрола на партијата врз институциите во услови на криза
Во алармантен развој, професорот Климовски, алармираше во врска со потенцијалните последици од неуспешните претседателски избори. Според Климовски, Демократската унија за интеграција (ДУИ) би можела законски да ја преземе контролата врз клучните институции доколку претстојните претседателски избори завршат со неуспех.
Уставот и законите се јасни, ако пропаднат претседателските избори односно не биде постигнат цензусот од 40 % плус еден глас, изборите ќе бидат неуспешни. Заради истекување на мандатот на актуелниот пратседател кој нема да има законска можност да биде на чело на државата, вршител на должноста по автоматизам станува претседателот на Собранието, односно Талат Џафери
Преку длабинска анализа на постојните закони, Климовски фрла светлина врз малку познатата одредба која и дава овластување на ДУИ да преземе власт за време на криза. Оваа одредба привлече внимание и предизвика загриженост кај граѓаните и кај политичките набљудувачи.
Според професорот Саво Климовски, не е нормално тоа што СДСМ и ДУИ го прават, оти распоредот на силите треба да биде според силата на изборачкото тело, а ДУИ има само 13 пратеници во Собранието.
Логичен е одговорот дека е ненормално. Кога ќе ги погледенете работите во Македонија што се случија во нивнотото владеење во последните 5-6 години, тие почнаа ненормално, насилно, надвор од сите правила и сега ние се обидуваме да ги применуваме тие правила што ни се пишани во Уставот, во ненормални услови, вели Саво Климовски – универзитетски професор.
Според Климовски, важно е изборите да биде споени, не само заради финансискиот аспект, туку и заради како што вели тој губењето на време, во период во кој во светот се случуваат тектонски промени, а Македонија треба да си го најде своето место. Вели потребен е квалитетен претседател да застане на чело на државата, ама за сега, барем во јавноста, таков канидат СДСМ нема.
Јас кај СДСМ во моментов не гледам таков човек. Односите и луѓето кои што би требало да предложат таков човек се повлечени и се на маргините на таа политичка опција, не гледам, а можеби има, човек кој што ќе биде свевен дека е носител на суверенитет на секој граѓанин, вели Саво Климовски – универзитетски професор.
Според дел од познавачите, расколот во СДСМ може да им одземе голем број на гласови на социјал-демократите и на претседателските, но и на парламентарните избори, затоа партијата на Ковачевски не дава спојување на изборите. Декларативно премиерот вели дека изборите ќе бидат одвоени затоа што така било пропишано со закон. И да се спојат изборите нема да бидат прекршени правилата, а во Македонија во три наврати се имаат одржувано споени изборни циклуси.
Предупредувањето на Климовски служи како навремен потсетник за потребата од внимателност и внимателно разгледување на правната рамка околу изборите. Само преку свесност и проактивен ангажман, граѓаните и институциите можат да го заштитат интегритетот и стабилноста на нивната демократија.
Извор: Алфа