Единицата за корупција поднесе кривична пријава против Ф.Р. (40) од Скопје за сторено кривично дело „примање поткуп“, казниво по член 357 од Кривичниот законик. Случајот го вклучува пријавениот, кој како овластено лице во МВР – Отсек за странци и реадмисија, побарал и примил поткуп во износ од 50 евра.
Случајот: како дојде до примање поткуп?
На 15 јануари 2025 година, оштетената поднела барање за издавање нова патна исправа по итна постапка, бидејќи ја загубила својата претходна. Следниот ден, таа била повикана во службените простории на МРТ, каде што пријавениот Ф.Р. ѝ издал потврда за прием на барањето, како и уплатница за глобата поврзана со изгубената патна исправа.
По извршување на уплатата, оштетената повторно се вратила кај Ф.Р., кој во тој момент побарал дополнителни 50 евра. Според сведочењето на оштетената, службеникот ѝ рекол дека со плаќањето на оваа сума може да ја забрза постапката, бидејќи регуларната процедура траела од 6 до 12 месеци.