Порталот Инфомакс објави измислен текст дека пратеникот на ВМРО-ДПМНЕ, Петар Ристески, бил физички нападнат во Прилеп, за потоа набрзина да ја избришат веста кога јавноста ја препозна манипулацијата и лажната вест за дискредитација на прилелскиот народен избраник.
„Ниту сум бил натепан, ниту сум се спречкал со некого. Единствено прошетував низ прилепската чаршија со моите деца,“ изјави Ристески. Тој најави тужба за тешка клевета и порача дека станува збор за дел од континуирана негативна кампања на пара-медиумите блиски до опозицијата.
„Во пресрет на изборите лагите и манипулациите се единственото оружје кое им остана,“ додаде пратеникот, упатувајќи апел и до новинарските здруженија да реагираат на ваквите злоупотреби, кои, како што рече, ја валкаат новинарската професија.
