Билатерални средби на одбранбениот саем
Во рамки на меѓународниот одбранбен саем во Братислава, министерот за одбрана Владо Мисајловски оствари одвоени билатерални средби со неговите колеги од Словачка и Чешка.
Тој се сретна со словачкиот министер за одбрана Роберт Калинак и со чешкиот министер за одбрана Јаромир Зуна.
„Взаемно од двете средби е потврдата за заедничката определба за продлабочување на одбранбената соработка, со фокус кон зајакнување на националната и колективната безбедност“, истакна Мисајловски.
Високо ниво на доверба и нови заеднички проекти
Министерот нагласи дека односите со двете земји се на високо ниво.
„Со Чешка и со Словачка имаме високо ниво на меѓусебна доверба што претставува силна основа за понатамошен развој и реализација на заеднички активности и проекти.“
Разговорите биле насочени кон продлабочување на соработката во повеќе клучни области.
„Разговаравме за интензивирање на заедничките активности во делот на модернизација на капацитетите и развој на одбранбената индустрија. Посебен акцент ставивме на имплементацијата на договорите Влада со Влада како и можноста за користење на европските инструменти и механизми“, посочи Мисајловски.
Посветеност кон НАТО и ЕУ
Мисајловски порача дека соработката продолжува и во рамки на меѓународните организации.
„Остануваме посветени на заедничките цели во НАТО, ЕУ и регионалните иницијативи.“
На крајот, министерот нагласи дека безбедноста останува приоритет.
„Безбедноста и стабилноста пред се!“