Овогодишниот 79. роденден на МНТ ќе биде хуманитарно одбележен. Низ сите години на постоење, оваа институција секогаш била тука за публиката. Тоа продолжува и денес со изведбите на претставите „Силјан Штркот Шанца“ и „Сите сме птици“, кои во таа чест ќе бидат одиграни на 3-ти април.
„Средствата од продадените билети за овие претстави ќе бидат наменети за лекување на нашиот Леонид Индов. Истиот ден во фоајето на театарот ќе биде претставена документарна изложба „Миг кој трае“, на која низ оригинални фотографии и предмети ќе бидат претставени дел од досега изиграните претстави од 1945-та година до денес“, соопштија од МНТ.