Министерот изрази благодарност за несебичната поддршка
По трагедијата во Кочани, министерот за надворешни работи и надворешна трговија, Тимчо Муцунски, истакна дека помошта од странските земји била силна потврда за пријателството на Македонија ширум светот.
„По трагедијата во Кочани, помошта од странските земји беше силна потврда дека имаме пријатели ширум светот – пријатели кои ја разбираат нашата болка и сочувствуваат со трагедијата,“ рече Муцунски.
Министерот изрази искрена благодарност кон сите земји кои се вклучиле во поддршката, наведувајќи дека помошта опфати и лекување на македонските пациенти во странство, како и третман на пациентите во домашните здравствени установи.
„Искрена благодарност до сите земји кои дадоа несебична и силна поддршка – како за лекувањето на македонските пациенти во странство, така и за третманот на пациентите во нашата земја,“ додаде тој.
Муцунски посочи дека ваквите гестови на хуманост и солидарност се нешто што државата ќе го памети засекогаш.
„Тоа е силен гест на хуманост и солидарност што нашата држава ќе го памети засекогаш,“ заклучи министерот.