Продолжениот викенд повторно ги насочи македонските граѓани кон Грција, поради што утрово е зголемен сообраќајот на граничниот премин Богородица.

Возачите се соочуваат со задржувања од околу 40 минути за преминување на границата.

Според информациите од Автомото сојузот на Македонија, на Богородица е забележана зголемена фреквенција на возила, додека на останатите гранични премини од македонска страна нема подолги чекања при влез и излез од државата.

На возачите им се препорачува да планираат дополнително време за патување и да ги следат информациите за состојбата на граничните премини.