Највисокото дрво на светот, што се наоѓа во Националниот парк Редвуд во Калифорнија (САД), е забрането за туристи.
Имено, посетата на дрвото секвоја високо 116 метри сега е официјално забранета. Управата на паркот објави дека сите посетители кои ќе бидат фатени близу огромното растение, може да добијат до шест месеци затвор и парична казна од 5.000 долари.
Инаку, Националниот парк 16 години одбиваше да ја објави локацијата за заштитена. Официјалните лица, од друга страна, стравуваат дека премногу посетители би можеле да го оштетат местото и деликатната екологија на околните падини.
Староста на „крајбрежната секвоја“ (sequoia sempervirens) се проценува на 600 до 800 години. Дрвото, наречено Хиперион, според грчкиот титан и бог на небесната светлина, е длабоко во паркот и нема патеки кои водат до него, но неговата интернет-слава го направи честа дестинација за трагачите по возбуда, патеписци, видеоблогери и љубители на природата. Луѓето и интернет-просторот се воодушевени од големината и мистеријата на Хиперион…
„Дајте ми седум милиони долари и авион и ќе го најдам“, „Би било толку епска да се искачите и да погледнете наоколу“, „Помислете на сите салфетки што би можеле да ги направиме со ова нешто! Мора да го најдеме!“ – гласат дел од шеговито-вознемирувачките коментари за сега веќе „забранетото овошје“.
Но, посетите на Хиперион се и опасни за посетителите. Областа има ограничен прием за мобилни телефони и слаба покриеност со ГПС, што го отежнува спасувањето на евентуалните изгубени или повредени планинари.