НАТО потврди дека повторно пресретнал балистичка ракета што се упатуваше кон Турција, откако претходно турското Министерство за одбрана соопшти дека ирански проектил бил уништен во турскиот воздушен простор.
Во официјалното соопштение се наведува дека системите за воздушна одбрана на НАТО, распоредени во Источен Медитеран, го пресреле проектилот, а делови од него паднале во југоисточна Турција.
– НАТО повторно пресретна ракета што се упатуваше кон Турција. НАТО цврсто стои во својата подготвеност да ги брани сите сојузници од каква било закана, изјави портпаролката на НАТО, Алисон Харт, без да уточни дали проектилот бил соборен во турскиот воздушен простор.