Новата претседателка на Советот на јавни обвинители во интервју за РСЕ изјави дека етичкиот совет при Јавното обвинителство не одговорил на изјавата на обвинителката Ленче Ристоска, која на конференција во април изјави дека процесот на избор на обвинител негува клиентелистички однос кон оние кои лобирале за нивниот избор.
Новата претседателка на Советот на јавни обвинители, Душица Димитриеска, за Радио Слободна Европа изјави дека јавните обвинители се избираат и унапредуваат без влијание.
Според неа, така било и при последниот избор на јавни обвинители од Академијата за судии и јавни обвинители, со кои во обвинителството влегле блиски роднини на актуелни функционери, меѓу кои и синот на претседателот на Собранието Талат Џафери и сопругата на Ислам Абази.
Синот на Талат Џафери и сопругата на Ислам Абази станаа обвинители; Советот назначи 18 нови обвинители.
Сите членови на Советот на јавни обвинители имаат право на свое убедување и глас што го искажуваат при гласањето. Ништо не влијае на изборот на овие кандидати. Мислам дека сите кандидати ги исполнија условите, се добри кандидати и добро ќе се снајдат на нивните позиции избрани од советот“.
Етичкиот совет при СЈО не реагира на изјавата на обвинителката Ленче Ристоска, која на конференција во април изјави дека обвинителите покажуваат клиентелистички однос кон оние кои лобирале за нивен избор.
Советот на јавни обвинители тргува со влијание, вели обвинителката Ленче Ристоска.
Ристоска тогаш предложи редизајнирање на Советот како ад хок тело кое заседава по потреба.
На една седница на Советот на јавни обвинители, сите членови се согласија да ја испратат изјавата на обвинителот на мислење до етичкиот совет при Јавното обвинителство за да ја потврдат усогласеноста со Етичкиот кодекс. но ние немаме мислење до денес“, вели новиот претседател на Советот на јавни обвинители.
Димитриеска изјави дека со измените не се забранува јавните обвинители да се изјаснуваат за одлуките на Советот, но дека треба да бидат внимателни при јавните настапи. Таа ја поднесе својата иницијатива веднаш по изборот за претседател на Советот на JO.
„Имајќи ги предвид забелешките во стратегијата на Европската унија во однос на констатациите за состојбите во правосудниот систем, меѓу кои беше посочен и Етичкиот кодекс во делот на неговите рестриктивни одредби каде што се оневозможува коментирање на одлуките на Етичкиот совет ние одлучивме да го измениме членот и во него повеќе не стои дека Јавните обвинители не смеат да ги коментираат одлуките на Советот на јавни обвинители туку воведовме нов став кој што гласи дека Јавните обвинители треба да внимаваат при јавните настапи на својот личен и професионален углед како и на угледот на Јавното обвинителство и Советот на јавни обвинители“,
Претседателката на Советот на јавни обвинители во интервјуто вели дека сè уште не го добиле преводот на Извештајот на Европската комисија (ЕК) за напредокот на Македонија за 2023 година, во кој се забележува дека Советот е нетранспарентен и не ги објаснува своите одлуки.
„Во однос на вашето прашање, морам да кажам дека официјалниот извештај и неговиот превод не се доставени до Советот на јавни обвинители од Министерството за правда, па по неговото доставување детално ќе го проучиме како Совет, ќе ги видиме забелешките. и ќе работиме на подобрување на работата“,
Душица Димитриеска на 27 септември беше едногласно избрана за претседател на Советот на јавни обвинители со тајно гласање на непосредни избори со ливчиња, параван и гласачка кутија.
Целото интервју на Димитреска за Радио Слободна Европа може да го погледнете на следниот ЛИНК.