Бразилската влада почна да презема реципрочни одмазднички мерки против царините што ги воведе американскиот претседател Доналд Трамп, објави весникот „Глобо“.
Бразилскиот претседател Луиз Инасио Лула да Силва во четвртокот одобри почеток на консултации и мерки за спроведување на Законот за економски реципроцитет против САД како одмазда за царината од 50 проценти што се применува на бразилските производи извезени на американскиот пазар.
Бразилскиот весник наведува дека овој процес би можел да трае околу седум месеци, бидејќи вклучува формални фази на консултации со Соединетите Американски Држави.