Ојлески дополнително повикан во репрезентацијата, заминува за Хернинг
Искусното лево крило на ракометниот клуб Охрид, Гоце Ојлески (36), доби дополнителен повик од селекторот Кирил Лазаров и денеска ќе ѝ се приклучи на македонската репрезентација во базата во Хернинг.
Промени во составот пред завршниот натпревар
Ојлески беше дел од поширокиот список за настап на Европско првенство во ракомет, а во националниот тим влегува поради кадровските проблеми во воведните дуели. Во натпреварот против Данска се повреди Петар Атанасијевиќ, додека Иван Џонов предвреме го заврши дуелот против Португалија.
Сметки за пласман во следната рунда
Македонската репрезентација утре од 18 часот во Хернинг ќе игра против Романија во рамки на третото, завршно коло од групата Б. Избраниците на Лазаров моментно се третопласирани со еден бод и за пласман во следната фаза ќе им биде потребна победа над Романија, како и висок пораз на Португалија од Данска.