Истрагата за смртта на актерката Хајден Панетиер, поранешна партнерка на украинскиот боксер Владимир Кличко со кого ја има ќерката Каја, е официјално завршена. Полицијата во Гринвил, Јужна Каролина, потврди дека трагичниот настан што се случи на 16 август на нејзини 36 години претставува несреќен случај. Резултатите од токсиколошките анализи откриле фатална комбинација од неколку различни супстанции во нејзиното тело.
Деталната медицинска анализа покажала присуство на екстремно моќниот синтетички опиоид фентанил, како и на медикаментите алпразолам, метокарбамол и кветиапин.
Актерката беше пронајдена во несвесна состојба во стан во Гринвил, каде што привремено престојувала. Во истиот стан во тој период биле присутни и нејзиниот партнер Брајан Хикерсон и неговиот брат Зак.
Според официјалниот извештај од Канцеларијата на судскиот вештак на округот Гринвил, што го пренесе „Пејџ сикс“, на самото место биле пронајдени дрога и прибор за нејзино конзумирање. Инспекторите затекнале мелени таблети и сламка поставени на масата веднаш до неа.
Полициските службеници пронашле бел прав и во внатрешноста на кутија за очила за сонце, која се наоѓала во патничкиот куфер на актерката.
Братот на нејзиниот партнер, Зак, прв ја пронашол актерката во несвест и веднаш започнал неуспешно да ја реанимира сè додека не пристигнала медицинската екипа на брзата помош. И покрај сите интензивни обиди на лекарите за реанимација, тие не успеале да го спасат нејзиниот живот, објави списанието „Стори“.