Аеродромот Мехрабад во Техеран е погоден во американско-израелските напади, објавија иранските медиуми. Според објавените информации, ударот предизвикал густ чад што се издига од подрачјето околу аеродромот.
На снимките што се споделуваат на социјалните мрежи се гледа чад над дел од инфраструктурата, што укажува на директен удар. Засега нема официјални податоци за евентуални жртви или за степенот на причинетата штета.
Во меѓувреме, израелските одбранбени сили соопштија дека спроведуваат „сеопфатен“ бран воздушни напади врз цели на иранскиот режим во Техеран. Ситуацијата во иранската престолнина останува тензична.