-За време на претстојниот самит на ЕУ, ќе предложам промена во функционирањето на ЕТС (системот за тргување со квоти за јаглеродни емисии на ЕУ), рече тој.
Моравјецки појасни дека кога се создавал овој систем го користеле само оние компании на кои им е потребна дозвола за правото да испуштаат јаглерод диоксид, а сега се појавил посебен пазар за овие дозволи.
-Сега сме соочени со растечкиот феномен на шпекулации на пазарот на ЕТС. Банки, инвестициски фондови, пензиски фондови – различни играчи на финансискиот пазар можат да влезат на овој пазар и да добијат право на емисии, рече тој.
-Кога ќе се појават нови играчи со огромни паричници, а не оние на кои им требаат дозволи поради нивните активности, а во системот се ослободува огромен проток на средства, цената почнува да се зголемува. Сега надминува 90 евра по тон, близу 100 евра. Многу брзо, на почетокот на оваа година, цената беше околу 30 евра, нагласи Моравјецки.
-Ќе предложам да се стави крај на овој механизам. Тргувањето со емисии нека биде ограничено на учесниците на пазарот, оние на кои им се потребни такви дозволи. Едноставно правило – не дозволувајте банки, богати играчи да влезат на овој пазар, бидејќи полските семејства ќе платат за тоа, рече премиерот.
Варшава ќе и предложи нови механизми на ЕУ. Според Моравјецки, климатската политика на ЕУ не зема предвид многу реалности. Треба да се изнесат аргументи, да се спори и ние „ќе го направиме тоа“, рече тој.