Летот AI315 вратен по 30 минути – продолжува контролата на флота од „Дримлајнери“
Пилот на „Ер Индија“ принудно го вратил патничкиот авион „Боинг 787-8 Дримлајнер“ на аеродромот во Хонг Конг, само триесетина минути по полетувањето кон Њу Делхи, јавуваат индиските медиуми IANS и ANI. Причина за враќањето е наведен технички проблем, кој се појавил кратко по полетувањето во понеделник.
– „Патничкиот лет, AI315, управуван од ‘Ер Индија’ од Хонг Конг до Њу Делхи, се врати на меѓународниот аеродром во Хонг Конг и побара локална готовност околу 13 часот денес“, изјави портпаролот на Аеродромската управа на Хонг Конг за „Њузвик“.
Оттаму упатуваат сигнали за смиреност.
– „Авионот слета безбедно околу 13:15 часот. Операциите на аеродромот не беа засегнати. Ве молиме проверете кај авиокомпаниите за детали“, додаде тој.
Интензивирани проверки по трагичниот пад на летот AI171
Инцидентот се случува само неколку дена по трагичната несреќа на летот AI171, кога друг „Боинг 787-8 Дримлајнер“ на „Ер Индија“, на пат кон Лондон, се урна недалеку од Ахмедабад. Тогаш загинаа 241 лице во авионот и неколкумина на земја. Ова беше првата фатална несреќа со „Дримлајнер“ авион на „Боинг“.
Погледнете повеќе за смртоносната несреќа.
(ВИДЕО) Се урна авион на „Ер Индија“ со 242 патници – првичните снимки ја покажуваат трагедијата
Во меѓувреме, „Ер Индија“ започна вонредни безбедносни проверки на својата флота на „Боинг 787“, во координација со индискиот регулатор за воздухопловство.
– „Ер Индија ги заврши таквите проверки на девет од авионите Боинг 787 и е на добар пат да го заврши овој процес за преостанатите 24 авиони во рамките на временската рамка што ја обезбеди регулаторот“, соопшти компанијата на 14 јуни.
Боинг: Ќе ја поддржиме истрагата, црната кутија е пронајдена
Компанијата „Боинг“ соопшти дека целосно ќе соработува со Бирото за истрага на авионски несреќи на Индија. Ќе се обезбедат податоци во врска со трагичниот лет AI171. Црната кутија од урнатиот авион веќе е пронајдена, што би можело да даде одговори за причините за несреќата.