Жителите на Тел Авив повторно разбудени од сирени
Луѓето во Тел Авив и централниот град Нетанија беа разбудени од сирените додека Израел соопшти дека неговата противвоздушна одбрана пресретнала ракета земја-земја, што е прв пат проектил истрелан од Хезболах да се приближи до градот, соопшти израелската војска.
Хезболах ветува одговор: Не стивнуваат реакциите по убиството на 12 луѓе во Либан
Нема извештаи за штети или жртви
Милитантната група Хезболах, поддржана од Иран, потврди дека истрелала балистичка ракета врз седиштето на израелската разузнавачка агенција Мосад, која ја обвинува за нападите врз нејзините членови, вклучително и координираните експлозии на илјадници пејџери и воки-токи минатата недела.
Хезболах: Поддршка на палестинскиот народ во Газа
Се верува дека тоа е првата балистичка ракета истрелана од Хезболах кон Израел, а беше лансирана „за поддршка на нашиот палестински народ во Газа“ и во „одбрана на Либан и неговиот народ“, рече Хезболах.
Израелската војска соопшти дека проектилот бил пресретнат во близина на Тел Авив, град со повеќе од четири милиони жители на брегот на Средоземното Море, а воздухопловните сили го погодиле неговото лансирање во регионот Нафакие во јужен Либан.