Бројот на рецепти за овој лек скокна на повеќе од 88.000 неделно, се отиде толку далеку што некои фармацевти пријавуваат недостаток.

На крајот на краиштата, американскиот лекар од Оклахома апелираше до јавноста да луѓето да престанат да го земаат лекот кој им го препишуваат на коњите за отстранување на црви.

–Поради овој лек, кој не е одобрен за употреба против ковид, пациентите се повеќе имаат потреба од итна помош во болниците во Оклахома, рече д-р Ејсон Меккелија.

Мали дози на ивермектин се одобрени за употреба кај луѓе, но не и за ковид.

– Мора да имате рецепт за овој лек со причина. Може да биде многу опасно, рече Мекелија за Би -Би -Си.

Тој вели дека случаите на предозирање со оваа дрога извршиле дополнителен притисок врз болничкиот систем, кој веќе е под голем притисок поради зголемениот број случаи на инфекција со корона.

Ивермектин претежно го препишуваат ветеринари, а во мали дози може да се користи за лекување луѓе.

–Вие не сте коњ и не сте крава, рече ФДА, предупредувајќи дека земањето големи дози е опасно и може да предизвика сериозни проблеми.

Целиот хаос започна откако влијателниот водител на подкасти Џо Роган рече дека зема Ивермектин откако доби позитивен тест за Ковид-19.

Д-р Мекелија вели дека пациентите кои го земале лекот дошле во болница со болки во мускулите, губење на видот и проблеми со варењето.

–Некои луѓе кои земале несоодветни количини на ивермектин се изложиле на поголем ризик да се борат против ковид, рече тој.