Август 2026 година бил најтоплиот месец досега регистриран на глобално ниво, покажуваат податоците на европскиот климатски сервис „Коперникус“. Просечната температура во светот достигнала 16,96 Целзиусови степени.
Измерената температура била за 0,85 степени повисока од просекот за периодот од 1991 до 2020 година. Во споредба со прединдустриското ниво, август бил потопол за 1,65 степени.
Податоците покажуваат дека август бил за 0,06 степени потопол и од јули 2026 година, што претставува редок случај во глобалните мерења.
Рекордни температури биле измерени и на површината на океаните, каде што просечната температура достигнала 21,07 Целзиусови степени. Според научниците, долгорочниот тренд на затоплување главно е предизвикан од емисиите на стакленички гасови.