Изборна реприза во САД
Републиканскиот кандидат Доналд Трамп и демократскиот кандидат Џо Бајден ќе имаат изборна реприза оваа есен. Тие успеаа да соберат доволно поддршка за номинации за кандидати на гласачкото ливче на 5 ноември. Ова го означува формалниот почеток на нивната пресметка во 2024 година и првиот реванш на претседателските избори во САД по речиси 70 години.
Обезбедени се номинациите
На Бајден му беа потребни 1.968 делегати за да ја добие номинацијата и ги надмина со победата на прелиминарните избори во државата Џорџија. Резултати дојдоа и од Мисисипи, државата Вашингтон, Северните Маријански Острови и демократите кои живеат во странство.
Неколку часа подоцна, Трамп ги освои 1.215 делегати потребни за да ја обезбеди републиканската претседателска номинација со победи во четири држави: Џорџија, Хаваи, Мисисипи и државата Вашингтон.
Супер вторник
Ваквиот епилог беше извесен по популарниот „супер вторник“ каде овие кандидати практично и го знаеја исходот.
Исход на „Супер вторник“ во САД: Трамп и Бајден на „изборна реприза“
На анкетите фаворит е Трамп
Претседателските избори се очекуваат оваа година, а сите очи се кон овие избори. Ваквиот епилог директно ќе влијае на целиот свет. Сите анкети се во полза на поранешниот претседател, Доналд Трамп.