Вашингтон оценува дека ваквиот потег би бил „целосно нелегален“
Американскиот државен секретар Марко Рубио предупреди дека евентуалната одлука на Иран да воведе систем за наплата за минување низ Ормутската теснина би можела целосно да ги блокира дипломатските напори меѓу Вашингтон и Техеран.
Рубио изјави дека таков потег би бил неприфатлив за меѓународната заедница и сериозна закана за глобалната трговија и безбедност.
„Тоа не може да се случи. Би било неприфатливо. Тоа би го направило дипломатскиот договор невозможен доколку тие продолжат да се стремат кон тоа. Значи, тоа е закана за светот доколку се обидат да го направат тоа, и тоа е целосно нелегално“ – наведе Рубио.
Тој додаде дека никој во светот не поддржува воведување наплата за поминување низ Ормутската теснина.
Рубио гледа „добри знаци“ во разговорите меѓу Вашингтон и Техеран
Американскиот државен секретар посочи дека во разговорите меѓу САД и Иран има одреден напредок во насока на прекин на американско-израелската војна против Техеран.
„Постојат некои добри знаци. Не сакам да бидам премногу оптимист … Значи, да видиме што ќе се случи во наредните неколку дена“ – истакна Рубио.