Русија и Кина побараа итен состанок на Советот за безбедност по ескалацијата со Иран

Советот за безбедност на Обединетите нации денеска ќе одржи итен состанок по барање на Русија и Кина, по нападите што Соединетите Американски Држави и Израел ги започнаа врз Иран. Информацијата ја соопштија дипломати од ОН.

Според дипломати кои зборувале за Ројтерс, 15-члениот Совет за безбедност ќе се состане во 16:00 часот по локално време во Њујорк, а со седницата ќе претседава Велика Британија.

Руската мисија при Обединетите нации соопшти дека Москва и Пекинг побарале итен состанок „во врска со неиспровоцираниот чин на вооружена агресија на Соединетите Американски Држави и Израел против Исламската Република Иран“.