Морган, Џонс и Митревски беше ударното трио, заедно постигнаа 58 поени. Милошевиќ имаше 18 поени, по 14 поени постигнаа Рикиќ и Стојановски кај МЗТ Скопје.
Дуелот беше изедначен од првата минута, МЗТ Скопје доминираше во поголем дел од првата четвртина која ја доби со 22-23. Гостинските кошаркари едноставно не можеа да најдат решение за мотивираниот противник.
По минималните 44-46, Феникс се издигна пред крајот на третата четвртина при 58-63, со серија од 15-0 поведе со двоцифрени 73-63 во 34 минута.
Мекиќ и Робев го прекинаа налетот на противникот, намалија на пет поени негатива. Се разбуди Милошевиќ, а потоа Рикиќ и Вер, знаеја како да ги казнат грешките на дебитантот. Токму Милошевиќ израмни на 79-79 на 40 секунди до крајот. Феникс влезе во поентерска криза, Дервишевиќ повика тајм-аут, не реализираа ниту двата тима.
Мечот беше решен во продолжение, а таму беше вистинска драма. Кларк и Џонс на минута до крајот, зголемија на 87-83. На другата страна МЗТ Скопје не реализираше, печат на мечот стави Митревски.
За дебитантот ова беше петти триумф, македонскиот првак го запиша пак вториот пораз.