Група хакери украле податоци на повеќе од 41.000 вработени во Министерството за внатрешна безбедност на САД и ги објавиле на интернет со помош на трети страни, објавија Wired, Washington Post и NPR. Објавените податоци вклучуваат е-адреси, телефонски броеви и канцелариски адреси на вработените, но исто така вклучуваат и чувствителни информации за тајните и програмите за надзор на агенцијата.
Од вкупниот број објавени записи, 21.000 идентификуваат лица кои работат за Царинската и граничната заштита на САД (CBP), додека 10.000 записи припаѓаат на персоналот на Имиграцијата и царинската контрола (ICE). Една третина од тие податоци се однесуваат на единицата за истраги за внатрешна безбедност (HSI), одделот за кривични истраги на ICE. Генерално, протекувањето на информации откри податоци за една седмина од вкупниот број вработени во Министерството за внатрешна безбедност.
Групата наводно ги украла податоците преку услугата Okta, систем за еднократно најавување што го користи DHS. Со услугата Okta, корисниците треба само еднаш да се најават со своите акредитиви за да добијат целосен пристап до backend системот, cloud услугите и/или мобилните апликации. Okta изјави за Wired дека не пронашле докази дека нивните „податоци или системи биле компромитирани“. Хакерите ги споделиле податоците со непрофитната организација за транспарентност Distributed Denial of Secrets и швајцарската истражувачка за сајбер безбедност по име Маја Арсон Кримју.