Празникот се одбележува со церемонии и паради низ целата земја.
Секретарот за одбрана Лојд Остин треба да положи венец на Гробот на непознатиот војник, историски споменик посветен на чествувањето на припадниците на американските војници чии останки се неидентификувани или исчезнати.
Оваа година се одбележуваат 100 години од Гробот на непознатиот војник што се наоѓа на националните гробишта Арлингтон, во близина на Вашингтон.
Денот беше прогласен за национален празник во 1926 година. Тогаш се викал Ден на примирјето, во знак на предавањето на Германија во Првата светска војна.
Конгресот го смени името во Ден на ветераните во 1954 година, а денот сега му оддава почит на секој американски воен ветеран, а не само на оние кои се бореле во војна.
Овој празник е различен од Денот на сеќавањето кој се одбележува во мај и кој им оддава почит на оние кои загинале во воена служба.
Според податоците од американскиот попис, САД имаат околу 18 милиони ветерани.