Во вечерашната епизода на „24 Анализа“ на ТВ 24, гостуваше Наум Стоилковски, портпаролот на ВМРО-ДПМНЕ. Во дискусијата за законот за амнестија, Стоилковски ја искажа својата перспектива на ова прашање. Тој нагласи дека, според него, законот за амнестија се смета за ветување од власта за ослободување на одредени лица пред претстојните избори. Понатаму, тој посочи дека ваквите закони често се изработуваат во партиските штабови, водени од интересите и политичките калкулации на владејачката партија во изборниот период.
„Законот за амнестија не е фактички она што сака Лога да го постигне и јасна е приказната како што Лога не застана зад кривичниот законик па беше поднесен само од заменичката Мадиќ така што сега таа не застанува зад предлог законското решение за амнестија што ќе го поднесе Лога тоа е една „какафонија“ што излегува од министерството за правда. Всушност тие предлози ако се сеќавате на реакцијата на Блупринт групата што ја напушти работаат во министерството за правда фактички се пишуваат закони во партиските штабови по интерес или некои математики во пресрет на изборите“ нагласи Стоилковски.
Стоилковски кажа и дека законот за амнестија е ветување на власта во однос на ослободување на некои лица пред изборите.
„Ќе прашам каква врска има тоа со условите во затворите, дали во законот за амнестија има дел што опфаќа ресоцијализација, дали ќе има намалување на агресија, криминал и се што е дел од она што се луѓето во затвор, дали можеби Лога ќе им обезбеди работа и егзистенција за да не се вратат во затворот? Не, станува збор за апсолутно популистичка мерка она што им било наводно ветувано пред изборите во однос на ослободување во извесни случаи и да можат сега да го реализираат на овој начин“ посочи Стоилковски.