Струмичкиот суд ја одби тужбата на Заев против Петрушевски, пратеникот ја оцени одлуката како победа

Пратеникот зборува за судска постапка и негови оценки за случајот

Пратеникот Бране Петрушевски во гостување во „Наткаст“ кај новинарот Љупчо Цветановски изјави дека добил решение од Основниот суд Струмица за тужба поднесена од Зоран Заев. Според него, судот се прогласил за ненадлежен за постапување по предметот.

Тој во своето излагање зборуваше за околностите околу тужбата и за, како што рече, можни обиди за влијание врз судството. Притоа ги изнесе следните изјави:

„Заев најави тужба против мене, јас баш пред некој ден добив решение од Основниот суд Струмица дека таа тужба е поднесена на ненадлежен суд, односно Основниот суд Струмица се прогласи за ненадлежен за таа тужба и тука е едно многу симптоматично нешто да се спомене или Зоран Заев заедно со неговиот роднина, бидејќи застапникот кој што му е адвокат е со презиме Заев – поим немаат од право, во што не верувам. Или е од друга страна, познатото функционирање на Заев, врските што ги има во судството, особено во Струмица каде што се уште смета дека Струмица е негов личен пашулук, се обидел да издејствува пресуда против мене, сакајќи да се испере пред јавноста дека ете тоа кое што јас сум го говорел не било вистина“, изјави Петрушевски.

Судска одлука и оцени за независноста на судството

Петрушевски додаде дека, според него, судството постапило согласно закон и дека тоа претставува позитивен исход за граѓаните и државата.

„За среќа на граѓаните и државата очигледно е дека судството веќе е имуно и отпорно на неговите влијанија и Основниот суд Струмица постапи согласно законите во Република Македонија и донесе решение со кое што се се прогласи за ненадлежен за таа тужба“, рече Петрушевски.

Тој оцени дека одлуката за него претставува личен успех во постапката.

„Можеби мала, но за мене претставува голема победа против Зоран Заев“, вели Петрушевски.

Во продолжение тој додаде:

„Можеби мала победа, но за мене верувајте е голема победа против поранешниот премиер, против поранешниот претседател на телото за судски реформи во Македонија, во пакет заедно со неговиот адвокат и правен застапник кој што му е претпоставувам и роднина“, изјави пратеникот на ВМРО-ДПМНЕ Бране Петрушевски.