Судскиот совет поддржуван од СДСМ си поставија судија на ДУИ како претседател на Врховен суд
Од ВМРО-ДПМНЕ обвинуваат дека Судскиот совет поддржуван од СДСМ, поставил судија од ДУИ за претседател на Врховниот суд, што според нив е уште еден доказ за криминалните врски меѓу СДСМ и ДУИ во правосудството.
„Дали е криминал во прашање? Целиот врв на СДСМ е заложник на ДУИ!“
„До каде оди измеќарството на СДСМ кон ДУИ и дали е криминал во прашање? Целиот врв на СДСМ е заложник на ДУИ и прави сè што ДУИ ќе посака“, обвинуваат од ВМРО-ДПМНЕ.
Според нив, борбата против корупцијата не може да биде ефикасна кога во судско-обвинителските кругови доминираат криминални спреги меѓу ДУИ и СДСМ.
„СДСМ се бори за заштита на своите криминални структури!“
Од партијата тврдат дека СДСМ не се бори за правда, туку за заштита на криминалците во судството, кои имаат задача да ги спасуваат нивните луѓе од кривична одговорност.
„СДСМ се нервозни затоа што ВМРО-ДПМНЕ објави војна против криминалците на сите нивоа, вклучително и во правосудството.
Тие се навикнати на судии како Наќе Георгиев, Илија Трпков, Даниела Алексовска Стојановска и обвинители како Иџет Мемети. Борбата што ја водат е за заштита на таквите кадри, кои извршуваат нарачки по директива на СДСМ и ДУИ“, истакнуваат од ВМРО-ДПМНЕ.
Извор: tv21