Царински инспектори открија дрога во стан на студентка од Турција во Гостивар
Царинските инспектори во Гостивар откриле дрога при претрес во стан на студентка од Турција. При акцијата, спроведена по налог на надлежното обвинителство, биле пронајдени повеќе видови на психотропни супстанци.
Пронајдени психотропни супстанци и канабис
Како што информира Царинската управа, во станот биле пронајдени шест таблети од метилендиоксиметамфетамин (MDMA), 1,63 грама мефедрон, одредена количина марихуана и десет семки од канабис. Според истрагата, студентката примила авионска пратка од Белгија, означена како „нотес“, во која се наоѓала дрогата.
Запленетата дрога испратена на вештачење
По приемот на пратката и отворањето на пакетот, царинските инспектори, со налог од јавен обвинител, веднаш извршиле претрес и ја пронашле забранетата супстанца. Со наредба на обвинителството, запленетите дроги се доставени на вештачење во Министерството за внатрешни работи. Таму е потврден нивниот хемиски состав.
Покрената кривична постапка
Против студентката е поднесена кривична пријава до Основното јавно обвинителство Гостивар за сторено кривично дело „Неовластено производство и пуштање во промет на наркотични дроги, психотропни супстанци и прекурсори“.
Извор: Република