Во Крушево изутрина се измерени -5 степени, во Берово и Крива Паланка -3, а во Тетово, Скопје-Петровец и Охрид -1. Во Дебар, Прилеп, Претор и Виница 0 степени, Штип, Демир Капија, Струмица, Скопје-Зајчев Рид и Куманово 1, 2 во Битола, 4 во Дојран, 5 во Гевгелија. Дванаесет сантиметри снег има во Пожаране, седум во Берово, а во Крушево еден сантиметар, соопшти УХМР.
Најавува дека времето денеска ќе биде сончево со мала до умерена локална облачност. Претпладне ќе дува слаб до умерен ветер од северен, а од пладне ветерот ќе го промени правецот во југоисточен. Максималната температура ќе биде во интервал од 11 до 17 степени.
Во Скопје, сончево со мала до умерена облачност и со слаб до умерен ветер од југоисточен правец. Максималната температура ќе достигне до 14 степени.