Вардар останува на дното по лесната победа на шампионот Струга. Во денешното прекуредно 16. прволигашко фудбалско коло во Македонија, актуелниот шампион Струга ТЛ како гостин набрзина му даде два гола на најтрофејниот Вардар и на крајот го победи (1:3).
Струга по само осум минути игра му даде два гола на Вардар и ја најви победата. Прво Згуро во шестата од пенал го отвори резултатот, а потоа Таири само две минути подоцна зголеми на 0:2.
Вардар резултатски во игра се врати со голот на Милосавиќ по половина час од игра исто така од пенал. Единствениот гол во второто полувреме го постигна Компаоре за конечни 1:3.
Шкендија во второто полувреме го скрши отпорот на Работнички (2:0), Македонија Ѓорче Петров во последните десет минути постигна победнички погодок против Силекс (1:0). АП Брера со погодокот на Цветановски пред крајот на првото полувреме поведе против Брегалница, која, пак, во 94. минута дојде до бод на овој меч (1:1). Гостивар и Шкупи ремизираа (0:0).
ТАБЕЛА: Шкупи 32 бода, Шкендија 32, Струга 30, Силекс 23, Тиквеш 22, Брера 20, Гостивар 20, Работнички 20, Македонија ЃП 18, Воска 16, Брегалница 16, Вардар 11.