Почина на 77-годишна возраст
Хрватската писателка Ведрана Рудан почина на 77-годишна возраст. Веста за нејзината смрт била објавена на нејзината Фејсбук страница со порака дека „отишла во зона без сигнал“. Рудан привлече големо внимание во јавноста со своите сатирични и остри текстови.
Необичен став за наследството
Во својата колумна од јануари 2024 година, насловена „Дали има живот без вампири?“, Рудан иронично пишувала за темата на наследството. Таа сметала дека на децата по смртта не треба да им се остава материјално богатство, туку „долгови и трошоци за погреб“, критикувајќи ја опседнатоста на родителите и децата со наследството.
„Никој не ме слуша“
„Одамна напишав дека на децата треба да им се остават долгови и трошоци за погреб по смртта. Никој не ме слуша. Не се слушав ни јас себеси. Во последно време огледувам околу себе и полека, никогаш не е предоцна, учам, учам, учам…“, напишала Рудан во колумната.