Пожар во кабина на авион на Air China полн со патници
Авион на Air China, полн со патници, мораше итно да слета во Шангај откако литиумска батерија во рачна торба на патник избувна во пламен, исполнувајќи ја кабината со чад.
Инцидентот се случи на летот CA139 кој полетал од Меѓународниот аеродром Хангџоу Сјашан во 9:47 часот локално време. На бордот се наоѓале 160 патници и членови на екипажот, а дестинацијата беше Меѓународниот аеродром Инчеон во Јужна Кореја, соопшти авиокомпанијата и кинеските државни медиуми.
Брза реакција на екипажот
Air China објави на Weibo дека „литиумската батерија во рачната торба на патникот, сместена во надворешниот компартмент, самопаливо се запалила“. Екипажот веднаш интервенирал, а среќа – никој не бил повреден.
Авионoт беше пренасочен кон Меѓународниот аеродром Пудонг во Шангај за да се обезбеди безбедноста на летот.
A fire erupted in a overhead luggage bin after a lithium battery exploded in the passenger’s carry -on bag. The Air China flight heading from Hangzhou, China, to Incheon, South Korea,#NewsPMC #passenger #AirChinaFlightFire #injuries #Shanghai pic.twitter.com/5gkc6RemPu
— News PMC (@newspmc_pk) October 20, 2025
Без жртви, истрагата во тек
Сите патници останале безбедни, а авиокомпанијата соопшти дека деталите за инцидентот продолжуваат да се истражуваат.