Тешка ноќ за украинската престолнина
Едно лице загина, а 24 се повредени, меѓу кои и десетгодишно дете, во ноќешниот руски напад врз Киев и поширокиот регион. Информацијата ја потврди началникот на воената администрација на Киев, Тимур Ткаченко, а бројката на повредени беше ажурирана утрово од Државната служба за вонредни ситуации, која соопшти дека повеќе од 40 лица биле спасени.
Материјална штета и бројни пожари
Во Киевскиот регион се регистрирани повредени и голема материјална штета. Во неколку реони на градот Била Црква избувнаа пожари во приватни куќи, а беше зафатен и магацин, додека во Обухиво се запали автомобил. Во самиот Киев беа пријавени бројни пожари и оштетувања на згради, а урнатини имало во осум региони.
Kyiv under massive missile and drone attack. Reports of hits on high-rise residential buildings. pic.twitter.com/x0gB6w8FLR
— LoisAceLane (@LoisAceLane) November 13, 2025
Последици од експлозиите во градот
Оштетени се станбени објекти, медицински установи, нестанбени простории и автомобили, а на повеќе локации избувнаа пожари. Во Дњепровскиот регион остатоци од нападот погодиле петкатна зграда и предизвикале пожар во два стана, додека во Деснанскиот регион било оштетено снабдувањето со топла вода, што привремено остави дел од објектите без греење.
Противвоздушна одбрана и масовна тревога
По нападот одекнаа експлозии низ целиот град. Противвоздушната одбрана дејствуваше неколку пати, откако беше прогласена воздушна тревога во цела Украина по полетувањето на руски авион МиГ-31К со ракети „Кинжал“ и голем број беспилотни летала.