Убиен руски генерал во експлозија во Москва
Генерал-полковникот Фанил Сарваров е убиен во експлозија во Москва, соопшти Истражниот комитет на Русија. Според соопштението, експлозивна направа била поставена под неговиот автомобил и детонирала. Инцидентот се случил во понеделникот наутро, а генералот починал на самото место.
Истрагата ги разгледува сите можни верзии
Од Истражниот комитет информираа дека Сарваров бил на чело на Одделот за оперативна обука на Оружаните сили на Русија. Како една од верзиите што се разгледуваат во рамки на истрагата се наведува и можната вмешаност на украинските разузнавачки служби. Истрагата е во тек, а официјален коментар од украинска страна засега нема.
Погледнете повеќе од видеото:
Media outlets in Moscow are reporting that an assassination attempt was made on Major General Fanil Sarvarov, head of the operational preparation department of the Russian Ministry of Defense. The explosion occurred as he was getting into his car (a homemade explosive device was… pic.twitter.com/oA67aUq75m
— Jürgen Nauditt 🇩🇪🇺🇦 (@jurgen_nauditt) December 22, 2025
Воена кариера и одликувања
Според РИА Новости, Фанил Сарваров е роден на 11 март 1969 година во градот Гремјачинск. Завршил Виша тенковска командна школа, Воената академија на оклопните сили во 1999 година и Воената академија на Генералштабот во 2008 година.
Во текот на својата воена кариера учествувал во борбени операции во Грузија и Чеченија, а извршувал и мисии во Сирија. Во 2016 година бил назначен за началник на Управата за оперативна обука на Генералштабот.
Сарваров бил одликуван со Орден за храброст, Орден за воени заслуги, Суворовски медал, како и со Орден „За заслуги кон татковината“ од втор степен.