Вучиќ кажа до која граница ќе го трпат насилството на Курти

Тој истакна и дека нови обиди за физичко загрозување, или прогон на Србите „нема да се случи“.

Вучиќ кажа дека е „добро што важи Бриселскиот договор“ и додаде дека утре очекува итен состанок на Управувачкиот тим за Заедницата на српски општини (ЗСО).

„Тоа е прашање за НАТО и ЕУ зошто тоа го дозволуваат. Ние јасно им кажавме кои се границите до која мера ќе го трпиме насилството на (премиерот на Косово) Аљбин Курти и нивните сили. И тоа го знаат Европејците и Американците, многу, многу прецизно им кажавме. И многу прецизно кажавме кои се нашите потези и по кој редослед одат“, им кажа Вучиќ на новинарите во Будимпешта.

Кажа дека нема повторно да минат девет години а ништо да не се случи околу тоа прашање. Претседателот на Србија се сретна во Будимпешта и со претседателот на владата на Унгарија Виктор Орбан, претседателот на владата на Словенија Јанез Јанша и претседателот на владата на Чешка Андреј Бабиш и истакна дека „како и секогаш“, со нив разговарал и за прашањето на Косово и Метохија.