Голема акција против илегалната трговија со дрога низ Италија
Во масовна акција против илегалната трговија со дрога, италијанските власти запленија околу 1,4 тони наркотици и уапсија 384 лица, при што истрагата опфати и стотици други осомничени.
Во рамки на операцијата, полицијата изврши контроли во 312 продавници за канабис, при што привремено беа затворени пет продавници во три градови. Запленети се 296 килограми производи од канабис, како и 35 килограми кокаин и над 40 парчиња огнено оружје.
Истрага за стотици лица, меѓу кои и малолетници
Вкупно 655 лица се ставени под истрага, меѓу кои 39 малолетни. Акцијата е дел од засилените мерки за сузбивање на илегалната трговија по воведувањето на безбедносниот декрет во јуни, со кој се забранува трговијата со таканаречениот „легален“ канабис.