Амбасадата на Соединетите Американски Држави во Белорусија издаде предупредување и ги повика своите граѓани веднаш да ја напуштат Белорусија, пренесува А1он.мк.
Во соопштението на амбасадата се вели дека Литванија претходно затворила два свои гранични премини со Белорусија и дека Полска, Латвија и Естонија навестиле дека можеби ќе го сторат истото.
Амбасадата ги повика американските граѓани да одат преку една од последните три земји бидејќи „не им е дозволено да влезат во Полска по копнен пат од Белорусија“.
Беше истакнато дека граѓаните не треба да одат во Русија или Украина.
„Не патувајте во Белорусија поради континуираното олеснување од страна на белоруските власти за рускиот неиспровоциран напад врз Украина, трупањето руски воени сили во Белорусија, произволното спроведување на локалните закони, потенцијалот за граѓански немири, ризикот од притвор, и ограничената способност на амбасадата да им помогне на американските граѓани кои живеат или патуваат во Белорусија“, нагласуваат од амбасадата.