Претседателот на САД, Џо Бајден најави дополнително оружје за Украина, вредно милијарда долари.

Помошта вклучува „дополнително артилериско и крајбрежно одбранбено оружје, како и муниција за артилерија и напредни ракетни системи“.

Бајден информираше дека за новото оружје го известил украинскиот претседател Володимир Зеленски во нивниот телефонски разговор.

Нивниот разговор траел 41 минута, а Бајден најавил и дополнителни 225 милиони долари хуманитарна помош за украинските цивили. Меѓу другото, помошта вклучува снабдување со вода за пиење, критични медицински материјали, како и пари за основните потреби на жителите.