– Да кажеш дека македонскиот јазик некогаш бил бугарски, треба да си многу необразован, зашто историјата и потеклото на јазиците им се познати на сите писмени луѓе. Но, зошто нема поостра реакција од нашата власт и до кога ќе ги трпиме овие понижувања од ЕУ е прашањето, пишува Груевска Маџоска за дипломатката и дообјаснува дека Македонија ги трпи последиците од Преспанскиот договор.
Таа појаснува дека Северномакедонски јазик и Северномакедонци – тоа е резултат на Преспанскиот Договор.
– Македонски да си викаме по дома и тоа само за нешта поврзани со македонскиот народ, а не со државата, затоа сме граѓани на СМ. Тоа значи дека државата не е на македонскиот народ. До кај сме со АСНОМ и Уставот?, додава Груевска Маџоска.