Работите завршени во услови на магла на Меѓународниот Аеродром Скопје
Во услови на магла и намалена видливост, денеска беше финализиран процесот на отстранување на преостанатите делови од стариот радар на Меѓународниот Аеродром Скопје. Од М-НАВ информираат дека со ова се комплетираат сите градежни активности поврзани со неговата целосна демонтажа.
Активностите биле реализирани во период кога временските услови овозможиле оптимално искористување на времето за безбедно завршување на работите. Притоа, како што посочуваат од М-НАВ, немало никакво влијание врз одвивањето на воздушниот сообраќај.
Подготовка за нов модерен радар
Со оваа фаза се заокружува процесот на демонтажа на стариот и неупотреблив радар, кој претставува предуслов за понатамошните активности поврзани со инсталацијата на новиот модерен радарски систем.
Од М-НАВ нагласуваат дека и понатаму остануваат целосно посветени на безбедноста и континуитетот на воздушниот сообраќај, како и на навремена и професионална реализација на сите планирани активности.