Црна Гора изразува целосна подготвеност за градење соработка со новата власт во Србија на ниво какво што навистина заслужуваат граѓаните на двете земји. Оваа порака ја упати црногорскиот премиер Милојко Спајиќ, коментирајќи ги актуелните политички случувања во соседството.
Шефот на црногорската влада посочи дека уште од самиот почеток на мандатот на неговиот владин кабинет постои отворена подготвеност за билатерална соработка со Белград на највисоко рамниште, но констатираше дека досега не постоеле соодветни услови и можности за такво нешто.
Во својот осврт, црногорскиот премиер ги поздрави неодамнешните изјави од претставниците на Студентската листа, политичката опција која извојува победа на изборите во Србија, а кои најавија отворање нова етапа во меѓусебните релации.
„Исто така, веруваме дека дојде ново време за овие односи и со радост и големо задоволство ќе продолжиме да создаваме атмосфера и односи што ги заслужуваат народите на Црна Гора и Србија“, порача Спајиќ.