Ова извонредно закрепнување од минатогодишната длабока рецесија предизвикана од пандемијата „Ковид-19“ беше поттикнато од посилни приватни трошоци и пакет државна помош за економијата и граѓаните, пренесува АП.
Владата и економските кругови очекуваат резултатите за тековниот квартал да бидат уште подобри. Некои аналитичари проценуваат дека растот во април-јуни може да достигне 10 проценти или повеќе од една година, поттикнат од зголемувањето на бројот на луѓе кои патуваат, купуваат, јадат во ресторани и продолжуваат со потрошувачките навики како пред короната.
Економистите велат дека широко распространетата вакцинација и трендот на опаѓање на бројот на нови инфекции, моментумот за повторно отворање деловни активности, огромна финансиска инфузија во форма на федерални трошоци и закрепнување на пазарот на трудот треба да помогнат во одржување на постојан раст.
За цела 2021 година, тие предвидуваат економско проширување близу 7,0 проценти, што би бил најбрзиот раст во една календарска година од 1984 година.