Македонската влада одлучи да продаде дел од МЕПСО, македонскиот оператор, на грчката компанија АДПТ. Оваа одлука доаѓа во време на се поголемо противење во македонската јавност во врска со владината концесија за изградба и управување со хидроцентралата Чебрен на грчка компанија.
ИПТО (грчката држава е мнозински сопственик на оваа компанија) веќе испрати понуда за купување на удел во МЕПСО, или преку стратешки договор или со зголемување на акционерскиот капитал, информираат македонски извори за порталот. Менаџментот на ИПТО веќе подолго време се во разговори со претставници на македонската влада, на МЕПСО и на регулаторниот орган на земјата.
Вклучувањето на грчката влада во МЕПСО преку оваа аквизиција потенцијално би можело да ја зајакне позицијата на Грција во балканскиот регион, овозможувајќи им да преземат проекти за надградба на мрежата и интерконекција.
Македонските енергетски инженери го изразија своето незадоволство од ваквата одлука, нарекувајќи ја криминал кој ќе има долготрајни последици за државата. Се одржаа протести под мотото „Чебрен и водите мора да бидат македонски“ на кои се бара владата да ги преиспита своите постапки.
„Кадарни сме сè што е капитално да го даваме на странци да го работат, од него да ќаруваат и од тоа ние да зависиме. Таква ќе биде приказната и со хидроцентралата Чебрен, која заминува во грчки раце на повеќедецениска концесија“, беше нагласено на панел-дискусијата во Стопанската комора на Македонија