Почеток на подземната сообраќајница во Скопје
Градоначалникот на Скопје, Орце Ѓорѓиевски, најави изградба на првата фаза од подземната сообраќајница на булевар „Македонија“, на потегот од под „Лимак“ до влезот во Кисела Вода. Проектот е дел од капиталните инвестиции на Градот и се очекува да донесе целосна промена во динамиката на централното градско подрачје, со значително растоварување на метежот.
Детали за проектот и рокови
Подземната сообраќајница ќе има шест ленти – четири за автомобилски сообраќај и две за јавен превоз, како и дополнителни пешачки патеки. Според јавната набавка, изведбата треба да започне во рок од 90 дена по издавањето на писмениот налог, а договорот со изведувачот ќе трае една година. Понудите ќе се примаат до 15 декември 2025 година. Паралелно со тоа, ќе следува изградба на три нови кружни тека – кај „Нова Македонија“, булеварот „Кочо Рацин“ и улицата „Железничка“.
Историја и значење на проектот
Овој проект се најавува повеќе од една деценија, уште од времето на Коце Трајановски, кој предвидуваше слична подземна траса под кејот, но поради високите понудени цени таа не беше реализирана. Подоцна и градоначалниците Петре Шилегов и Данела Арсовска планираа изградба на кружни тека поврзани со подземната улица кај „Дајмонд Скопје“, но и тие планови останаа на хартија. Со актуелниот проект, Скопје конечно би можело да го добие своето прво подземно сообраќајно решение, како во современите европски метрополи.