Хрватка го оскатила сопругот кавадарчанец
Основното јавно обвинителство Кавадарци поведе постапка против 30-годишна државјанка на Република Хрватска, со привремен престој во Кавадарци, осомничена за сторено кривично дело телесна повреда.
Напад извршен под дејство на алкохол
Инцидентот се случил на 25 јануари во утринските часови, кога осомничената, под дејство на алкохол, извршила семејно насилство врз својот сопруг. Според наводите од обвинителството, таа имала 2,61 промили алкохол во крвта. По вербална расправија, жената зела нож од кујната и го прободела сопругот во левото и десното рамо, по што продолжила да го гребе по вратот и по телото.
Предлог за определување притвор
Поради сериозноста на нападот и околностите под кои бил извршен, јавниот обвинител оценил дека постојат законски основи за определување мерка притвор. До судијата на претходна постапка при Основниот суд во Кавадарци е доставен предлог за определување притвор за осомничената.
Постапката се води за кривично дело телесна повреда од член 130 став 2, во врска со став 1 од Кривичниот законик.